Ylli i Golden State Warriors në Ligën Amerikane të Basketbollit (NBA), Stephen Curry, është ngjitur në vendin e 19-të në listën e lojtarëve që kanë shënuar më shumë pikë në sezonet e rregullta të NBA-së, raporton Anadolu.

Golden State Warriors mposhti në transfertë Utah Jazz me rezultatin 140-124 ndërsa Curry realizoi 27 pikë për Warriors.

Me pikët e shënuara ndaj Jazz, Curry la pas Paul Pierce dhe u bë emri i 19-të në historinë e NBA-së me më shumë pikë të shënuara në sezonet e rregullta.

Curry, 37-vjeçari me 4 tituj kampioni në NBA, me 26.424 pikë, e kaloi Paul Pierce (26.397) dhe u rendit në vendin e 19-të të listës.

- Pesë lojtarë në Top-20 vazhdojnë karrierën në NBA, janë të moshës 36-41 vjeç

Në mesin e 20 lojtarëve që kanë shënuar më shumë pikë në sezonet e rregullta të NBA-së, janë 5 emra që vazhdojnë ende karrierën ndërsa janë të moshës 36-41 vjeç.

Përveç 37-vjeçarit Curry, në këtë listë janë edhe LeBron James 41-vjeçar, Kevin Durant 37-vjeçar, James Harden 36-vjeçar dhe Russell Westbrook 37-vjeçar, të cilët vijojnë karrierën në NBA.

- Në krye qëndron LeBron James, anëtari i parë dhe i vetëm i "klubit të 40 mijë pikëve" në NBA

LeBron James, 41-vjeçari që ka shënuar më së shumti pikë në historinë e NBA-së në sezonet e rregullta, vazhdon ende karrierën e tij.

Lojtari i Los Angeles Lakers kryeson listën me 42.821 pikë.

LeBron James, pikashënues i të gjitha kohërave në sezonet e rregullta të NBA-së, në karrierën e tij të mbushur me rekorde, e kaloi pragun e 40 mijë pikëve dy sezone më parë.

20 lojtarët që kanë shënuar më shumë pikë në sezonet e rregullta të NBA-së janë si më poshtë: