Renditja e FIFA-s, Kosova në pozitën më të mirë deri më tani
Shqipëria e cila ka rënë një pozitë më poshtë tani ndodhet në vendin e 65-të. Maqedonia e Veriut u ngjit për një pozitë më lartë dhe mban vendin e 68-të
Ankara
Kombëtarja e Kosovës në futboll është ngjitur në pozitën më të lartë në histori, gjegjësisht në vendin e 114-të, njoftoi Federata Botërore e Futbollit (FIFA), transmeton Anadolu Agency (AA).
FIFA nëpërmjet uebafaqes publikoi renditjen botërore për muajin tetor. Sipas kësaj, Belgjika vazhdon të kryesojë. Pas saj vijnë Franca dhe Brazili, në vendin e dytë dhe të tretë.
Kosova, e cila tani zë vendin e 114-të, arriti në pozitën më të lartë në histori, duke u ngjitur për 5 pozita.
Shqipëria e cila ka rënë një pozitë më poshtë tani ndodhet në vendin e 65-të. Maqedonia e Veriut u ngjit për një pozitë më lartë dhe mban vendin e 68-të.
Ndërkohë Turqia e cila shënoi fitore ndaj Shqipërinë ndërsa barazoi me Francën në kuadër të ndeshjeve për eliminatoret e "EURO 2020", është ngjitur për 4 pozita më lartë dhe zë vendin e 32-të.
Renditja e radhës do të shpallet më 28 nëntor.
Dhjetë vendet e para në renditje janë si në vijim:
| Renditja | Kombëtarja | Pikë | Ndryshim |
| 1 | Belgjikë | 1755 | - |
| 2 | Francë | 1726 | - |
| 3 | Brazil | 1715 | - |
| 4 | Angli | 1651 | - |
| 5 | Uruguaj | 1642 | +1 |
| 6 | Portugali | 1632 | -1 |
| 7 | Kroaci | 1631 | +1 |
| 8 | Spanjë | 1625 | -1 |
| 9 | Argjentinë | 1617 | +1 |
| 10 | Kolumbi | 1615 | -1 |
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
