Përfundon sezoni i rregullt në NBA, më 13 prill fillon "play-off"-i
Legjendat e NBA-së, Dirk Nowitzki nga Dallas Mavericks dhe Dwyane Wade nga Miami Heat, luajtën ndeshjet e tyre të fundit
Ankara
Mëngjesin e sotëm përfundoi sezoni i rregullt në NBA dhe së shpejti, më 13 prill, pritet të fillojnë ndeshjet e "play-off"-it, transmeton Anadolu Agency (AA).
Milwaukee Bucks kryesojnë tabelën e klasifikimit në Konferencën Lindore me gjithsej 60 fitore të shënuara në sezonin e rregullt, ndërsa Golden State Warriors kryesojnë tabelën në Konferencën Perëndimore. Ata kanë shënuar 57 fitore.
Në xhiron e fundit të sezonit të rregullt, Detroit Pistons arriti të sigurojë vendin e tetë, që çon në "play-off", ku do të ketë përballë ekipin e Milwaukee Bucks.
Ndërkohë, legjendat e NBA-së, Dirk Nowitzki nga Dallas Mavericks dhe Dwyane Wade nga Miami Heat, luajtën ndeshjet e tyre të fundit, meqë më parë njoftuan se do të pensionohen nga të luajturit aktiv.
Në ndeshjen e tij të fundit në NBA, Dirk shënoi 20 pikë dhe 10 kërcime, ndërsa ekipi i tij San Antonio Spurs përgatiti një video falënderuese.
San Antonio fitoi ndeshjen 105-94, duke u renditur në vendin e shtatë të tabelës së klasifikimit në Konferencën Perëndimore, ku si kundërshtar "play-off"-i do të ketë ekipin e Denver Nuggets.
Dwyane Wade shënoi një “triple-double” në ndeshjen e fundit të karrierës me 25 pikë, 11 kërcime dhe 10 asiste.
- Rezultatet e ndeshjeve të fundit:
Atlanta Hawks - Indiana Pacers: 135-134
Brooklyn Nets - Miami Heat: 113-94
Charlotte Hornets - Orlando Magic: 114-122
New York Knicks - Detroit Pistons: 89-115
Philadelphia 76ers - Chicago Bulls: 125-109
Memphis Grizzlies - Golden State Warriors: 132-117
Milwaukee Bucks - Oklahoma City Thunder: 116-127
San Antonio Spurs - Dallas Mavericks: 105-94
Denver Nuggets - Minessota Timberwolves: 99-95
Los Angeles Clippers - Utah Jazz: 143-137 (Overtime 1)
Portland Trail Blazers - Sacramento Kings: 136-131
- Dyshet e "play-off"-it:
Konferenca Lindore:
(1) Milwaukee Bucks - Detroit Pistons (8)
(2) Toronto Raptors - Orlando Magic (7)
(3) Philadelphia 76ers - Brooklyn Nets (6)
(4) Boston Celtics - Indiana Pacers (5)
Konferenca Perëndimore:
(1) Golden State Warriors - Los Angeles Clippers (8)
(2) Denver Nuggets - San Antonio Spurs (7)
(3) Portland Trail Blazers - Oklahoma City Thunder (6)
(4) Houston Rockets - Utah Jazz (5)
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
![](http://www.facebook.com/sharer.php?u=https://www.aa.com.tr/sq/sport/përfundon-sezoni-i-rregullt-në-nba-më-13-prill-fillon-play-off-i/1448785&p[images][0]=https://cdnuploads.aa.com.tr/uploads/Contents/2019/04/11/thumbs_b_c_c23f6fcd0a553fec28a14825967b0b61.jpg?v=101633&p[title]=Përfundon sezoni i rregullt në NBA, më 13 prill fillon "play-off"-i&p[summary]=Legjendat e NBA-së, Dirk Nowitzki nga Dallas Mavericks dhe Dwyane Wade nga Miami Heat, luajtën ndeshjet e tyre të fundit){kind=link}