Përballja Galatasaray-Beşiktaş do t'i japë formë kreut të Super Ligës
Kryesuesi i tabelës Beşiktaş ka 81 pikë. Vijon Fenerbahçe në vendin e dytë me 76 pikë dhe Galatasaray i treti me 75 pikë. Deri në përfundim të sezonit kanë mbetur edhe tre javë
Ankara
Super Liga Turke të shtunën do të shohë përballjen Galatasaray-Beşiktaş pasi që rezultati i ndeshjes do të formojë kreun e divizionit të futbollit, raporton Anadolu Agency (AA).
Para ndeshjes, Beşiktaş është ndier e qetë pasi "Shqiponjat e Zeza" kanë 81 pikë duke udhëhequr kampionatin.
Galatasaray i cili radhitet në vendin e tretë një gjiganti tjetër i Stambollit, Fenerbahçe, në pozicionin e dytë, janë duke pritur për ndonjë gabim të Beşiktaş-it, por deri në fund të sezonit të Super Ligës 2020-21 kanë mbetur edhe tre javë.
Fenerbahçe ka grumbulluar 76 pikë në 37 ndeshje. Galatasaray është vetëm një pikë pas rivalit të saj Fenerbahçe.
Galatasaray duhet të fitojë derbin për të mbajtur gjallë shpresat e tyre për titull. Beşiktaş fitoi kundër Galatasaray-it me rezultatin 2:0 në janar në "Vodafone Park".
Derbi i së shtunës në stadiumin e Galatasaray-it, "Turk Telekom", do të fillojë në orën 20:30 sipas kohës lokale.
Arbitri veteran turk, Cuneyt Cakir do të drejtojë ndeshjen.
Lojtarët që do të mungojnë në derbi
Mesfushori nigerian 25-vjeçar i Galatasaray-it, Oghenekaro Etebo, i cili është ende në karantinë për shkak të COVID-19, nuk do të luajë kundër Beşiktaş-it.
Shumë lojtarë të Beşiktaş-it nuk do të lejohen për ndeshjen kundër Galatasaray-it.
Sulmuesi i Kamerunit Vincent Aboubakar ankohet nga dëmtimi i kërcellit të këmbës, anësori francez Georges-Kevin N'Koudou vuan nga tendosja e muskujve të kofshës dhe sulmuesi turk Cenk Tosun po rikuperohet nga këputja e tetivës.
Aboubakar është një nga sulmuesit thelbësore të Beşiktaş-it pasi këtë sezon shënoi 15 gola në ligë në 26 paraqitje.
- Ndeshjet e Super Ligës
E shtunë:
Buyuksehir Belediye Erzurumspor - Kasimpasa
MKE Ankaragucu - Fenerbahçe
Demir Grup Sivasspor - Medipol Basaksehir
Hes Kablo Kayserispor - Gaziantep
Caykur Rizespor - Helenex Yeni Malatyaspor
Atakas Hatayspor - Yukatel Denizlispor
Galatasaray - Beşiktaş
Fatih Karagumruk - Genclerbirligi
Goztepe - Ittifak Holding Konyaspor
Trabzonspor - Fraport TAV Antalyaspor