Premierliga Angleze do të përdorë teknologjinë e pozicionit jashtë loje gjysmë të automatizuar
Vendimi është marrë pas marrëveshjes unanime nga të gjitha klubet
Istanbul
Premierliga Angleze (EPL) njoftoi sot se teknologjia e pozicionit jashtë loje gjysmë të automatizuar (SAOT) do të përdoret për herë të parë sezonin e ardhshëm pas miratimit unanim nga të gjitha klubet, transmeton Anadolu.
“Teknologjia do të sigurojë vendosje më të shpejtë dhe të qëndrueshme të linjës virtuale të pozicionit jashtë loje, bazuar në gjurmimin optik të lojtarëve, dhe do të prodhojë grafikë transmetimi me cilësi të lartë për të siguruar një përvojë të përmirësuar në stadium dhe transmetim për tifozët”, tha Premierliga në një deklaratë.
Teknologjia përdoret gjithashtu në Ligën e Kampionëve dhe Serinë A italiane.
FIFA përdori për herë të parë teknologjinë SAOT në Kupën e Botës 2022 në Katar. Thuhet se mund të shkurtojë me 31 sekonda kohën e kontrollit të Referit Asistues me Video (VAR) për pozicionin jashtë loje.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.