Pamje shumëngjyrëshe në stadiumin "Luzhniki" në Moskë
Tifozët kroatë dhe francezë erdhën në stadium me fanellat ku janë të shënuar emrat e futbollistëve yje të kombëtareve të tyre
Moskē
MOSKË (AA) – Para ndeshjes finale të Kampionatit Botëror "Rusi 2018" e cila do të luhet në mes të Francës dhe Kroacisë, tifozët e të dy kombëtareve shprehën mbështetje entuziaste për ekipet e tyre, raporton Anadolu Agency (AA).
Tifozët të cilët morën vendet e tyre në stadiumin "Luzhniki" disa orë para ndeshjes, mbajnë rroba shumëngjyrëshe dhe fanella të futbollistëve të tyre të preferuar.
Në qendër të vëmendjes janë tifozët të cilët mbajnë rroba interesante, ndërkaq vazhdojnë përpjekjet për të gjetur bileta për të ndjekur ndeshjen.
Modriç dhe Mbappe
Tifozët kroatë dhe francezë erdhën në stadium me fanellat ku janë të shënuar emrat e futbollistëve yje të kombëtareve të tyre.
Emri që u vërejt më së shumti në fanallat e Kroacisë ishte ylli i kombëtares Luka Modriç.
Ndërsa tek tifozët e Francës, ashtu siç pritej, në masë të madhe shihen fanellat me emrin e lojtarit Mbappe.