Sport

Olivier Giroud i jep lamtumirën Chelsea-t

Sulmuesi francez tha se po fillon një udhëtimi të ri, duke falënderuar shokët e skuadrës, trajnerët, personelin e Chelsea-t

Selçuk Buğra Gökalp   | 17.07.2021
Olivier Giroud i jep lamtumirën Chelsea-t Foto: AA/Arhiv

Ankara

Futbollisti francez Olivier Giroud i dha lamtumirën klubit anglez Chelsea, transmeton Anadolu Agency (AA).

Në llogarinë e tij zyrtare në Twitter, 34-vjeçari tha se po fillon një udhëtim të ri dhe falënderoi shokët e tij të skuadrës, trajnerët dhe personelin e klubit anglez.

Sulmuesi francez gjithashtu ka fituar trofe me "Të kaltërtit", duke përfshirë një të Ligës së Kampionëve, një të Ligës Europa dhe një Kupë FA.

Duke filluar karrierën e tij me klubin francez Grenoble, Giroud u transferua në Chelsea në vitin 2018 nga rivali i tij Arsenal.

Ai shënoi 39 gola dhe bëri 14 asistime në 119 ndeshje për Chelsea-n.

Fituesi i Kupës së Botës 2018 gjithashtu kishte 46 gola në 110 ndeshje për ekipin e tij kombëtar.

Chelsea përfundoi Premierligën angleze në vendin e katërt me 67 pikë sezonin e kaluar.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.