Nora Gjakova fiton medaljen e artë në xhudo në Lojërat Olimpike të Tokios
Kosova e cila po merr pjesë në Lojërat Olimpike "Tokio" 2020 me 11 sportistë deri më tani ka fituar dy medalje të arta, të dyja në xhudo në kategorinë e vajzave, nën mësimet e trajnerit Driton Kuka
Prishtinë
Xhudistja Nora Gjakova e cila fitoi medaljen e artë në deri 57 kilogramë, është bërë medalistja e dytë e artë nga Kosova pas Distria Krasniqit në Lojërat Olimpike "Tokio 2020", transmeton Anadolu Agency (AA).
Deri te finalja Nora Gjakova i kishte tri fitore. Ajo e nisi me fitore ndaj Sanne Verhagen të Holandës dhe vazhdoi me fitore ndaj sllovenes Kaja Kajzer. Në gjysmëfinale arriti fitoren ndaj japonezes Tsukasa Yoshida.
Nora në finale e mposhti francezen Sarah Leonie Cysique, pasi ajo u dënua me karton të kuq.
Të shtunën, në ditën e parë të Lojërave në Tokio, titull olimpik kishte fituar Distria Krasniqi në kategorinë deri 48 kilogramë.
Kosova e cila po merr pjesë në Lojërat Olimpike "Tokio 2020" me 11 sportistë deri më tani ka fituar dy medalje të arta, të dyja në xhudo në kategorinë e vajzave, nën mësimet e trajnerit Driton Kuka.
Në përgjithësi, medalja e artë e Nora Gjakovës, shënon medaljen e tretë olimpike për Kosovën, meqë përpos saj dhe Distria Krasniqit, Majlinda Kelmendi kishte fituar të artën në kategorinë deri 52 kilogramë në "Rio 2016".
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
![](http://www.facebook.com/sharer.php?u=https://www.aa.com.tr/sq/sport/nora-gjakova-fiton-medaljen-e-artë-në-xhudo-në-lojërat-olimpike-të-tokios/2314419&p[images][0]=https://cdnuploads.aa.com.tr/uploads/Contents/2021/07/26/thumbs_b_c_4565c553df27505f2781640f4a222706.jpg?v=135545&p[title]=Nora Gjakova fiton medaljen e artë në xhudo në Lojërat Olimpike të Tokios&p[summary]=Kosova e cila po merr pjesë në Lojërat Olimpike "Tokio" 2020 me 11 sportistë deri më tani ka fituar dy medalje të arta, të dyja në xhudo në kategorinë e vajzave, nën mësimet e trajnerit Driton Kuka){kind=link}