Nesër shorti për ndeshjet e një të tetës së finales në Ligën e Kampionëve të UEFA-s
Ndeshjet e para të fazës një të tetës së finales do të luhen më 4-5 mars, ndërsa ato të kthimit më 11-12 mars
Istanbul
Nesër në selinë e UEFA-s në Zvicër, do të hidhet shorti për ndeshjet e futbollit të një të tetës së finales në kuadër të Ligës së Kampionëve, raporton Anadolu.
Tetë ekipet e para në fazën e ligës – Liverpool, Barcelona, Arsenal, Inter Milan, Atletico Madrid, Bayer Leverkusen, Lille dhe Aston Villa kishin siguruar kualifikimin në raundin e 16 klubeve më të mira, duke iu shmangur fazës së "play-off"-it.
Atyre iu bashkuan tetë fituesit e "play-off"-it me dy ndeshje, një format i zbatuar për herë të parë për sezonin 2024-25.
Këto skuadra ishin Feyenoord, Club Brugge, Bayern Munich, Benfica, Borussia Dortmund, Paris Saint-Germain, Real Madrid dhe PSV, të cilat siguruan vend në raundin e një të tetës së finales duke mposhtur kundërshtarët e tyre në fazën shtesë eliminatore.
Ndeshjet e para të fazës një të tetës së finales do të luhen më 4-5 mars ndërsa ato të kthimit më 11-12 mars.
