NBA, Pelicans angazhon trajnerin Van Gundy
"Jam i entuziazmuar t'i bashkohem një ekipi të talentuar si New Orleans Pelicans...Mezi pres të flas me lojtarët tanë dhe të filloj procesin", tha Stan Van Gundy
Ankara
Ekipi New Orleans Pelicans i Ligës Amerikane të Basketbollit (NBA), do të emërojë Stan Van Gundy, si trajnerin e tyre të ri, raporton Anadolu Agency (AA).
"Stan Van Gundy ka rënë dakord për t'u bërë trajneri i ardhshëm i New Orleans Pelicans", tha në Twitter gazetari i shquar i NBA-së, Adrian Wojnarowski, duke treguar që të dyja palët të mërkurën ranë dakord për një marrëveshje.
Van Gundy, 61-vjeçar, tha se është i entuziazmuar që do të jetë trajner i Pelicans.
"Jam i entuziazmuar t'i bashkohem një ekipi të talentuar si New Orleans Pelicans... Mezi pres të flas me lojtarët tanë dhe të filloj procesin", shkroi ai në Twitter.
Ai është ish-trajneri i Miami Heat, Orlando Magic dhe Detroit Pistons, por nuk ka qenë trajner që nga viti 2018 kur u nda nga Detroit.
Van Gundy ishte trajner i Magic nga viti 2007-2012 kur ata mbërritën në Finalet e NBA-së 2009, por humbi nga Los Angeles Lakers me 4-1 në seri.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
![](http://www.facebook.com/sharer.php?u=https://www.aa.com.tr/sq/sport/nba-pelicans-angazhon-trajnerin-van-gundy-/2014791&p[images][0]=https://cdnuploads.aa.com.tr/uploads/Contents/2020/10/22/thumbs_b_c_b8472438c76fcf94fd58cc297b9bafca.jpg?v=100717&p[title]=NBA, Pelicans angazhon trajnerin Van Gundy &p[summary]="Jam i entuziazmuar t'i bashkohem një ekipi të talentuar si New Orleans Pelicans...Mezi pres të flas me lojtarët tanë dhe të filloj procesin", tha Stan Van Gundy){kind=link}