Manchester City përjashtohet nga garat evropiane për 2 vite
Kampionët aktualë të Premier Ligës po ashtu u gjobitën me 30 milionë euro
Stamboll
Klubi i Premier Ligës angleze Manchester City u përjashtua nga garat evropiane për dy sezonet e ardhshme për shkak të shkeljeve financiare të rregullave "fair-play" të klubeve të UEFA-s, transmeton Anadolu Agency (AA).
"Klubi i futbollit Manchester City Football bëri shkelje serioze të Liçensimit të Klubeve dhe Rregullave Financiare "fair-play", duke mbivlerësuar të ardhurat e sponsorizimit të tyre në llogaritë dhe në informacionet e tyre madje edhe të paraqitura në UEFA midis viteve 2012 dhe 2016", tha UEFA në një deklaratë.
Klubi gjithashtu nuk arriti të bashkëpunojë në hetimin e këtij rasti, tha UEFA.
"Dhoma Gjykuese ka vendosur masa disiplinore ndaj Klubit të Futbollit Manchester City duke rekomanduar që të përjashtohet nga pjesëmarrja në garat e klubeve të UEFA-s në dy sezonet e ardhshme (sezonet 2020/21 dhe 2021/22)", tha UEFA.
Kampionët aktualë të Anglisë po ashtu u gjobitën me 30 milionë euro.
Manchester City ka të drejtë ta apelojë këtë vendim në Gjykatën e Arbitrazhit Sportiv.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.