Hendboll: Kosova fiton ndaj Bosnjë dhe Hercegovinës por nuk arrin kualifikimin në fazën tjetër drejt Botërorit 2027
Fitorja e arritur të dielën me katër gola dallim në kryeqytetin kosovar, nuk i ka mjaftuar hendbollistëve të Kosovës për t’u kualifikuar në fazën tjetër drejt botërorit.
Foto: Erkin Keçi/AA
Prishtinë
PRISHTINË (AA) - Hendbollistët e Përfaqësueses së Kosovës e kanë fituar ndeshjen kthyese të fazës së dytë kualifikuese për Botërorin 2027 kundër Bosnjë dhe Hercegovinës me rezultat 33 me 29, raporton Anadolu.
Fitorja e arritur të dielën me katër gola dallim në kryeqytetin kosovar, nuk i ka mjaftuar hendbollistëve të Kosovës për t’u kualifikuar në fazën tjetër drejt botërorit.
Ndeshjen e parë në Tuzla të enjten e kësaj jave ndaj Bosnjë dhe Hercegovinës, Kosova e humbi me 13 gola dallim, me rezultat 34 me 21 dhe për t’u kualifikuar tutje, Kosova duhej ta përmbyste këtë disavantazh në gola.
Bujar Ramosaj shënoi më së shumti gola për Kosovën, ku nga tetë gjuajtje, shënoi shtatë gola. Nga katër gola realizuan Shaban Zogaj, Drilon Tahirukaj dhe Leonard Gegaj.
Te Bosnjë dhe Hercegovina me nga gjashtë gola ndeshjen e mbyllën Amer Shahinoviq dhe Mislav Grgiq.
Bosnjë dhe Hercegovina tani ka avancuar në raundin e tretë kualifikues për Botërorin 2027, që është faza e fundit e kualifikimeve.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
