Federata Spanjolle e Futbollit (RFEF) njoftoi se futbollistët e skuadrës së Spanjës që do të marrin pjesë në EURO 2020 u vaksinuan kundër koronavirusit të ri (COVID-19), tre ditë para ndeshjes së tyre të parë, transmeton Anadolu Agency (AA).

"Lojtarët e thirrur për Kampionatin Evropian kanë marrë ose kanë përfunduar vaksinimin e tyre kundër COVID-19 të premten", tha RFEF në një deklaratë.

Vaksinat iu administruan lojtarëve, menaxherëve dhe punonjësve nga Forcat e Armatosura Spanjolle në kompleksin sportiv "Las Rozas" të RFEF-it në Madrid.

Më 14 qershor, Spanja do të përballet me Suedinë në ndeshjen e Grupit E.