Skuadra holandeze Feyenoord njoftoi se ka transferuar futbollistin malian Gaoussou Diarra, i cili luante për skuadrën e Ligës së Dytë të Turqisë (Trendyol 1. Lig), Istanbulspor, transmeton Anadolu.

Në deklaratën nga përfaqësuesi holandez, u tha se është arritur marrëveshje me Istanbulspor për transferimin e futbollistit 22-vjeçar.

Diarra, i cili nuk pati përvojë profesionale në futboll, erdhi në Stamboll nga Mali për arsimimin e tij universitar.

Përderisa studionte në Stamboll, Diarra nënshkroi kontratë profesionale me Tuzlasporin në fillim të vitit 2024.

Pasi nuk arriti të sigurojë hapësirë për të luajtur në ekip, Diarra u largua nga klubi për shkak të rregullit për lojtarët e huaj dhe u bashkua në stërvitjen provuese të ekipit Istanbulspor.

Këtu, Diarra tërhoqi vëmendjen e trajnerit Osman Zeki Korkmaz dhe nënshkroi kontratë zyrtare me Istanbulspor.

Diarra shënoi 16 gola në 37 ndeshje zyrtare me ekipin "verdhë e zi" sezonin e kaluar.