Futbollisti i Celta Vigos, Santi Mina dënohet me 4 vite burg për abuzim seksual
Pas shpalljes së vendimit nga Gjykata Provinciale e Almerias, klubi spanjoll njoftoi se ka vendosur të hapë proces disiplinor ndaj lojtarit
Ankara
Sulmuesi i klubit spanjoll të La Ligës, Celta Vigo, Santi Mina, u dënua me 4 vjet burg të mërkurën nga Gjykata Provinciale e Almerias për shkak të abuzimit seksual me një grua, transmeton Anadolu Agency (AA).
Celta Vigo njoftoi se vendosi të hapte proces disiplinor për Mina-n pas vendimit. Futbollisti 26-vjeçar mësohet se ka apeluar dënimin.
Klubi tha se ata vendosën të largojnë përkohësisht lojtarin nga stërvitja e ekipit të parë "si një masë paraprake" deri në përfundimin e procesit gjyqësor.
Deklarata shtoi se Celta Vigo respekton të drejtën e lojtarit për mbrojtje, por është e detyruar të marrë masa kundër atyre ngjarjeve që në mënyrë famëkeqe minojnë imazhin e klubit dhe sulmojnë drejtpërdrejt vlerat e tij.
Mina iu bashkua Celta Vigos nga Valencia në vitin 2019 si transferim i lirë.