Ekipi kombëtar i Turqisë për femra në futboll ka fituar ndeshjen miqësore ndaj ekipit të Shqipërisë, raporton Anadolu Agency (AA).

Ndeshja e zhvilluar në stadiumin "Elbasan Arena" ka përfunduar me rezultatin 2-1 në favor të ekipit turk.

Ekipi kuqezi e nisi mirë ndeshjen dhe në minutën e katërt shënoi golin e avantazhit me Arbenita Currajn.

Por skuadra turke barazoi rezultatin në minutën e 38-të me anë të Ebru Topçu dhe në këtë mënyrë pjesa e parë mbyllet me shifrat e barabarta 1-1.

Ndërkaq, Turqia arriti të fitojë një penallti në minutën e 68-të, që u ekzekutua po nga Ebru Topçu që firmosi përmbysjen dhe fiksoi rezultatin në 1-2

Ndeshja e radhës miqësore mes dy kombëtareve të femrave është më 15 korrik në Tiranë.