Ndeshja mes ekipit të futbollit për femra të Bashkisë Metropolitane të Ankarasë ABB FOMGET dhe ekipit izraelit Kiryat Gat ka përfunduar me rezultatin 3-1 në favor të ekipit turk, raporton Anadolu.

Ndeshja mes ekipit turk dhe atij izraelit u zhvillua në ambientet e Shtëpisë së Futbollit në Tiranë.

Golat për ekipin turk u shënuan nga Armisa Kuq në minutën e 29-të dhe 37-të dhe nga Olha Ovdiychuk në minutën e 59-të.

Për ekipin nga Izraeli goli u shënua nga Noa Selimhodziq në minutat shtesë të pjesës së parë.

Ndeshja u zhvillua në kuadër të ndeshjeve kualifikuese të Ligës së Kampionëve të UEFA-s.