FIFA zbulon kandidatët për çmimin e golit më të mirë të vitit 2021

Federata Ndërkombëtare e Futbollit (FIFA) ka zbuluar dhjetë kandidatët për çmimin goli më i mirë i vitit, Çmimi Puskas i FIFA-s, transmeton Anadolu Agency (AA).

Në mesin e kandidatëve të çmimit që jepet që nga viti 2009 në kujtim të futbollistit hungarez Ferenc Puskas, janë futbollisti Riyad Mahrez nga Manchester City dhe Erik Lamela nga Sevilla.

Votimi i parë do të vazhdojë deri më 10 dhjetor nga ueb-faqja e FIFA-s. Pas kësaj, numri i kandidatëve do të ulet në 3 dhe fituesi i çmimit do të përcaktohet më 17 janar 2022, pas votimit nga juria.

Më parë këtë çmim e kanë fituar Hamit Altıntop, Cristiano Ronaldo, Neymar, Miroslav Stoch, Zlatan Ibrahimovic, James Rodriguez, Wendell Lira, Mohd Faiz Subri, Oliver Giroud, Mohamed Salah, Daniel Zsori dhe Heung-min Son.

Kandidatët për çmimin e vitit 2021 dhe ndeshjet ku janë shënuar golat janë si në vijim:

Luis Diaz (Kolumbi): Brazil-Kolumbi (Copa America)

Gauthier Hein (Francë): Chamois Niortais-AJ Auxerre (Liga e Dytë e Francës)

Erik Lamela (Argjentinë): Arsenal-Tottenham Hotspur (Premier Liga)

Valentino Lazaro (Austri): Bayer 04 Leverkusen-Borussia Mönchengladbach (Bundesliga)

Riyad Mahrez (Algjeri): Zimbabve-Algjeria (Kualifikimet në kuadër të Kupës së Kombeve të Afrikës)

Sandra Owusu-Ansah (Gana): Kumasi Sports Academy Ladies-Supreme Ladies (Premier Liga Gana-s tek femrat)

Vangelis Pavlidis (Greqi): Willem II-Fortuna Sittard (Liga e Parë e Futbollit e Holandës)

Daniela Sanchez (Meksikë): Queretaro-Atletico de San Luis (Liga e Parë e Meksikës tek femrat)

Patrik Schick (Çekia): Çeki-Skoci (EURO 2020)

Mehdi Taremi (Iran): Chelsea-Porto (Liga e Kampionëve e UEFA-s)

Caroline Weir (Skoci): Manchester City-Manchester United (Super Liga e Anglisë tek fermat)