Trajneri i ekipit kombëtar serb të futbollit, Dragan Stojkoviq, ka shpallur listën e lojtarëve për ndeshjet kundër Shqipërisë dhe Andorrës në kualifikueset e Kupës së Botës 2026, transmeton Anadolu.

Futbollistët serbë do të presin Shqipërinë më 11 tetor në Leskovac, ndërsa tre ditë më vonë do të udhëtojnë në Andorrë.

Në listën e Stojkoviqit janë portierët: Vanja Milinkoviq-Saviq, Predrag Rajkoviq, Gjorgje Petroviq, Dragan Rosiq; mbrojtës: Nikola Milenkoviq, Strahinja Pavloviq, Milosh Veljkoviq, Strahinja Erakoviq, Jan-Karlo Simiq, Veljko Milosavljeviq; mesfushorët: Sasha Lukiq, Nemanja Gudelj, Nemanja Maksimoviq, Andrija Zhivkoviq, Lazar Samarxhiq, Filip Kostiq, Stefan Mitroviq, Aleksandar Stankoviq, Ognjen Ugreshiq, Dejan Zukiq dhe sulmues: Aleksandar Mitroviq, Dushan Vllahoviq, Luka Joviq dhe andrej Iliq, njoftuan mediat lokale.

Përfaqësuesja e Serbisë do të mblidhet më 6 tetor në Qendrën Sportive në Stara Pazova dhe po atë ditë në orën 11:00, trajneri Stojkoviq do të mbajë konferencë për mediat.

Kujtojmë se Anglia kryeson tabelën e Grupit K me 15 pikë nga pesë ndeshje, Shqipëria është në vendin e dytë me 8 pikë pas pesë ndeshjeve të luajtura, ndërsa Serbia është në vendin e tretë me 7 pikë nga katër ndeshje.