CSKA-Fenerbahçe kryesfida e xhiros së 28 të Euroligës në Basketboll
Në ndeshjen e cila do të luhet në Moskë, Fenerbahçe do të synojë çimentimin e pozitës së parë në tabelë për sezonin e rregullt, pasi deri në fund kanë ngelur edhe vetëm tri xhiro
Stamboll
Sonte vazhdojnë garat në kuadër të sezonit të rregullt të Euroligës së basketbollit, me kryesfidën e javës në të cilën lideri i tabelës së klasifikimit, Fenerbahçe Beko do të përballet me rusët e CSKA Moskë, raporton Anadolu Agency (AA).
Në ndeshjen e cila do të luhet në Moskë, Fenerbahçe do të synojë çimentimin e pozitës së parë në tabelë për sezonin e rregullt, pasi deri në fund kanë ngelur edhe vetëm tri xhiro.
Turqit kryesojnë ligën me 23 fitore dhe vetëm 4 humbje ndërsa CSKA Moskë radhitet i dyti me 21 fitore dhe 6 humbje.
Aktualisht pesë ekipet, Fenerbahçe Beko, Real Madrid, CSKA Moskë, Anadolu Efes dhe Barcelona Lassa kanë siguruar ndeshjet e 'playoff'-it.
Sezoni i rregullt përfundon më 5 prill kur do të mësohen emrat e tetë ekipeve që do të avancojnë në 'playoff'-in i cili është caktuar për periudhën 16-30 prill.
Fituesit më pastaj do të luajnë në “Final Four” më datat 17-19 maj në Fernando Buesa Arena në qytetin spanjoll të Vitoria-Gasteiz.
Çiftet e xhiros së 28-të:
E enjte: CSKA Moskë-Fenerbahçe, Buduçnost-Anadolu Efes, FC Bayern Munchen-Barcelona, Gran Canaria-Olympiacos CFP
E premte: Khimki-Maccabi Tel Aviv, Zalgiris Kaunas-Darussafaka, Saski-Baskonia, Real Madrid- EA7, Olimpia Milano-Panathinaikos
Ekipet | N | Fit | Hum | Pikë+ | Pikë- | +/- | Pikë |
1. Fenerbahçe Beko | 27 | 23 | 4 | 2254 | 2002 | 252 | 50 |
2. CSKA Moskë | 27 | 21 | 6 | 2358 | 2179 | 179 | 48 |
3. Real Madrid | 27 | 21 | 6 | 2342 | 2090 | 252 | 48 |
4. Anadolu Efes | 27 | 17 | 10 | 2268 | 2135 | 133 | 44 |
5. Barcelona Lassa | 27 | 16 | 11 | 2109 | 2052 | 57 | 43 |
6. Baskonia | 27 | 14 | 13 | 2193 | 2118 | 75 | 41 |
7. AX Armani Exchange Olimpia Milan | 27 | 14 | 13 | 2333 | 2300 | 33 | 41 |
8. Olympiakos | 27 | 14 | 13 | 2092 | 2065 | 27 | 41 |
9. Panathinaikos | 27 | 14 | 13 | 2127 | 2121 | 6 | 41 |
10. Zalgiris | 27 | 12 | 15 | 2101 | 2102 | -1 | 39 |
11. Maccabi FOX | 27 | 12 | 15 | 2135 | 2142 | -7 | 39 |
12. Bayern Mynih | 27 | 12 | 15 | 2104 | 2164 | -60 | 39 |
13. Khimki | 27 | 9 | 18 | 2116 | 2210 | -94 | 36 |
14. Herbalife Gran Canaria | 27 | 7 | 20 | 2095 | 2375 | -280 | 34 |
15. Buduçnost VOLI | 27 | 6 | 21 | 1996 | 2277 | -281 | 33 |
16. Darussafaka Tekfen | 27 | 4 | 23 | 2005 | 2296 | -291 | 31 |
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.