ELBASAN (AA) - Kombëtarja e Shqipërisë po përballet sonte me Izraelin në ndeshjen e katërt në grupin G për eliminatoret e Botërorit “Rusi 2018”, raporton Anadolu Agency (AA).

Pjesa e parë e ndeshjes ka përfunduar me rezultatin 1-0 në favor të Izraelit. Zahavi ka shënuar për ekipin e Izraelit në minutën e 18-të me anë të penalltisë.

Në pjesën e parë pas minutës së 17-të Kombëtarja e Shqipërisë mbeti me 10 lojtarë, pasi Berat Gjimshiti u ndëshkua me karton të kuq.

Ndërkohë strukturat e policisë shqiptare kanë marrë masa të rrepta sigurie për ndeshje. Për garantimin e rendit dhe sigurisë para, gjatë dhe pas përfundimit të ndeshjes janë angazhuar rreth 2.000 forca policore.