Telekomi i Suedisë aktivizon teknologjinë 5G
Drejtori i përgjithshëm i kompanisë, Anders Nilsson, tha se stacionet bazë 5G janë aktivizuar kryeqytetin Stokholm, si dhe në qytetet Göterborg dhe Malmö
Stockholm
Kompania suedeze e telekomunikacionit, Tele2, njoftoi se për herë të parë ka kaluar në rrjetin 5G të qasshëm për qytetarët, transmeton Anadolu Agency (AA).
Drejtori i përgjithshëm i kompanisë, Anders Nilsson, tha në një deklaratë se stacionet bazë 5G janë aktivizuar në kryeqytetin Stokholm, si dhe në qytetet Göterborg dhe Malmö.
Nilsson tha se përdoruesit që kanë telefona të gjeneratës së re, duke filluar nga qershori, do të jenë në gjendje të përdorin shërbimin 5G pa paguar shtesë.
"Shumica e telefonave aktualë nuk janë të përshtatshëm për teknologjinë 5G", tha ai.
Sipas tij, kompania që drejton është operatori i parë që filloi me përdorimin e rrjetit 4G për herë të parë në Suedi.
"Pas dhjetë vjetësh, ne gjithashtu u bëmë të parët në Suedi që aktivizuam rrjetin 5G në përputhje me standardet globale dhe po e lëshojmë atë në përdorim”, shtoi Nilsson.
Teknologjia 5G parashikohet të arrijë dhjetë herë nivelin e transferimit të të dhënave në krahasim me teknologjinë e gjeneratës së katërt.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
