Festivali "TEKNOFEST Atdheu Blu" vazhdon me aktivitetet e ditës së fundit
Dita e katërt dhe e fundit e ngjarjes ngjalli interes të konsiderueshëm te publiku. Vizitorët që donin të shihnin personalisht produktet e industrisë turke të mbrojtjes mbërritën që në orët e para të mëngjesit.

Stamboll
Sot në Stamboll po zhvillohen aktivitetet dhe ngjarjet e ditës së katërt dhe të fundit të edicionit special të festivalit teknologjik TEKNOFEST me temë detare të titulluar “Atdheu Blu”.
I organizuar nga Fondacioni Turk i Ekipit të Teknologjisë (T3 Foundation) me Agjencinë Anadolu (AA) si Partner Global të Komunikimit dhe në bashkëpunim me Ministrinë e Industrisë dhe Teknologjisë dhe Ministrinë e Mbrojtjes Kombëtare të Turqisë, festivali po vazhdon me aktivitetet e ditës së fundit në Komandën e Kantierit Detar të Stambollit.
Dita e katërt dhe e fundit e ngjarjes ngjalli interes të konsiderueshëm te publiku. Vizitorët që donin të shihnin personalisht produktet e industrisë turke të mbrojtjes mbërritën që në orët e para të mëngjesit.
Ata bëjnë fotografi kujtimi para anijeve, duke pritur në radhë të gjata, veçanërisht për të vizituar anijen më të madhe luftarake të Turqisë, TGV Anadolu.
Përveç TGV Anadolu, vëmendje të madhe tërheqin edhe anijet e famshme të Marinës Turke, TGV Istanbul, TGV Burgazada, TGV Oruçreis, TGV Nusret, TGV Sakarya dhe TGV Hizirreis.