ANKARA (AA) - Ministria turke e Industrisë dhe Teknologjisë njoftoi se "TEKNOFEST Istanbul" do të mbahet në aeroportin "Atatürk" më 17-21 shtator, transmeton Anadolu.

Në llogarinë e mediave sociale të ministrisë u bë një postim në lidhje me këtë temë.

Në postim thuhet se "Lajmi i mirë për festivalin që nuk njeh kufij ka mbërritur. 'TEKNOFEST Istanbul' do të mbahet në aeroportin 'Atatürk' më 17-21 shtator. Bëhuni pjesë e këtij emocioni".

- I pari këtë vit u mbajt në TRNC

TEKNOFEST i pari i këtij viti, i cili është festivali më i madh në botë i aviacionit, hapësirës dhe teknologjisë, u mbajt në Republikën Turke të Qipros Veriore (TRNC).

Festivali, i cili priti shumë aktivitete, nga garat e teknologjisë e deri te shfaqjet e fluturimeve më 1-4 maj, u vizitua nga gjithsej 225 mijë persona.

I organizuar 11 herë që nga viti 2018, festivali ka pritur gjithsej 10 milionë e 688 mijë vizitorë, 3 milionë e 672 mijë garues dhe 1 milion e 384 mijë ekipe.