GJENEVË (AA) – Organizata Botërore e Shëndetësisë (OBSH) ka njoftuar se virusi Ebola nuk është më i pranishëm në vendet e Afrikës Perëndimore, pasi në Liberi më shumë se 40 ditë nuk është regjistruar asnjë rast i infektimit me këtë virus, transmeton Anadolu Agency (AA).

Zyrtari i OBSH-së, Rick Brennen në Gjenevë deklaroi se virusi Ebola kohët e fundit ishte i pranishëm vetëm në Liberi, porse edhe në këtë vend nuk është i pranishëm më. 

“Kaluan 42 ditë që kur edhe në këtë vend nuk u regjistrua asnjë rast i infektimit me virusin, që është dyfish më shumë se periudha maksimale e kalimit”, tha Brennen. Nga OBSH-ja më herët bënë të ditur se virusi është eliminuar nga Guinea dhe Siera Leone.