WASHINGTON (AA) - Sipas një gjenerali të lartë amerikan, zmbrapsja e sulmit të fundit iranian ndaj Bazës Ajrore Al Udeid të SHBA-së në Katar ishte "angazhimi më i madh i sistemit Patriot në historinë ushtarake amerikane", transmeton Anadolu.

"Ne besojmë se ky është angazhimi më i madh i vetëm i Patriot-it në historinë ushtarake amerikane dhe na u bashkuan në këtë angazhim ekipet Patriot të Katarit", u tha gazetarëve kreu i Shtabit të Përbashkët të Ushtrisë, gjenerali Dan Caine.

Gjenerali amerikan nuk dha detaje të mëtejshme se sa raunde raketash Patriot u lëshuan.

Të hënën, Irani lëshoi një breshëri raketash në bazën ajrore amerikane në Katar, duke shënuar një përshkallëzim dramatik të tensioneve pasi SHBA-ja të dielën shënjestroi tre lokacioneve bërthamore iraniane.

Komanda Qendrore e SHBA-së (CENTCOM) tha se forcat amerikane, së bashku me Katarin, u mbrojtën "me sukses" kundër sulmit, duke konfirmuar se nuk pati viktima midis personelit amerikan ose të Katarit.