Një tanker rus me gaz natyror të lëngshëm u sulmua pranë ujërave territoriale të Maltës, tha sot Ministria e Transportit të Rusisë, duke fajësuar dronët ukrainas për sulmin, transmeton Anadolu.

Ministria tha se tankeri "Artic Metagas" u shënjestrua të martën në brigjet e Libisë.

Sipas deklaratës, anija ishte në rrugë nga porti veriperëndimor rus i Murmanskut dhe mbante ngarkesë "të pastruar në përputhje me të gjitha rregulloret ndërkombëtare".

"Ne e klasifikojmë këtë incident si një akt terrorizmi ndërkombëtar dhe piraterie detare, një shkelje e rëndë e normave themelore të ligjit ndërkombëtar detar", tha ministria.

Thuhet se akte të tilla, të cilat dyshohet se janë kryer me "miratimin e autoriteteve të shteteve anëtare të Bashkimit Evropian", nuk duhet të kalojnë pa u vënë re nga bashkësia ndërkombëtare.

Ukraina nuk ka komentuar mbi pretendimet e Rusisë.