Garda Revolucionare Islamike e Iranit (IRGC) tha se ngushtica e Hormuzit është mbyllur për transit dhe paralajmëroi se anijet që përpiqen të kalojnë do të sulmohen, transmeton Anadolu.

Gjenerali brigade Ebrahim Jabbari, këshilltar i lartë i komandantit të përgjithshëm të IRGC-së, tha në komente të transmetuara nga televizioni shtetëror iranian se Irani nuk do të lejojë kalimin përmes kësaj rruge strategjike si përgjigje ndaj sulmeve SHBA-Izrael.

"Ngushtica e Hormuzit është mbyllur. Ne do të sulmojmë dhe do të djegim çdo anije që përpiqet të kalojë" tha Jabbari.

Ai gjithashtu paralajmëroi se tubacionet e naftës mund të jenë objekt sulmi dhe tha se Irani nuk do të lejojë "asnjë pikë nafte" të largohet nga rajoni.