Sekretari amerikan i Shtetit, Antony Blinken, i ka thënë ushtrisë izraelite sot se “humbja masive e jetëve dhe zhvendosja e civilëve” në Gazën veriore nuk duhet të përsëriten në jug, transmeton Anadolu.

“Ne diskutuam detajet e planifikimit të vazhdueshëm të Izraelit dhe nënvizova domosdoshmërinë, për Shtetet e Bashkuara, që humbja masive e jetëve civile dhe zhvendosja e shkallës që pamë në Gazën veriore të mos përsëriten në jug”, tha Blinken gjatë një konferencë shtypi pasi u takua me kryeministrin izraelit Benjamin Netanyahu.

Blinken tha se Izraeli kishte rënë dakord me një kërkesë të ShBA-së që të formulojë një strategji që “i jep përparësi mbrojtjes së civilëve”.

Ai shtoi se ushtria izraelite duhet të largohet nga synimi i infrastrukturës jetike si spitalet, termocentralet dhe objektet e ujit.

Kryediplomati amerikan tha se civilëve të zhvendosur nga Gazën jugore duhet t’u ofrohet gjithashtu “zgjedhja për t’u kthyer në veri sa më shpejt që ta lejojnë kushtet”.