Zëdhënësi i përkohshëm afgan, Zabihullah Mujahid, njoftoi se avionët ushtarakë pakistanezë kryen sulme në dy provinca në Afganistan, duke goditur shtëpi "të rëndomta", transmeton Anadolu.

Duke dënuar sulmet, Mujahid tha se tetë persona, duke përfshirë tre fëmijë dhe pesë gra, u vranë në sulmeve ajrore në provincat Paktika dhe Khost.

Asnjë deklaratë zyrtare nuk është lëshuar nga Pakistani për sulmet e supozuara, të cilat Mujahid i quajti një "shkelje të pamatur të territorit të Afganistanit".

Mujahid pohoi se Afganistani "nuk do të lejojë askënd të pushtojë territorin e tij" dhe i bëri thirrje Pakistanit të ndalojë "politikat e gabuara dhe prishjen e marrëdhënieve midis dy vendeve fqinje muslimane".

Duke paralajmëruar se incidente të tilla "mund të kenë pasoja shumë të këqija", ai tha: "Emirati Islamik i Afganistanit nuk lejon askënd të dëmtojë sigurinë e askujt duke përdorur territorin e Afganistanit". Emirati Islamik i Afganistanit është emërimi zyrtar i përdorur nga talebanët.

Sulmet ajrore të supozuara vijnë pasi të paktën shtatë trupa pakistaneze u vranë nga militantët në zonën Mir Ali të shtunën.

Pakistani akuzon Afganistanin për dështimin në parandalimin e militantëve nga Tehreek-e-Taliban Pakistan (TTP), një konglomerat i grupeve të ndryshme militante, nga kryerja e sulmeve në Pakistan, të cilët sipas pretendimeve strehohen në Afganistan pas sulmeve. Afganistani i ka mohuar akuzat.

"Personi i quajtur Abdullah Shah, për të cilin pala pakistaneze pretendon se ishte në shënjestër të incidentit, është në Pakistan", tha Mujahid, duke shtuar:

"Populli i Pakistanit dhe qeveria e re duhet të ndalojnë disa gjeneralë të ushtrisë nga vazhdimi i politikave të tyre të gabuara".