PEKIN (AA) – Presidentët e Kinës dhe Taivanit do të kenë shansin që të takohen sy më sy për herë të parë pas më shumë se 70 vitesh, gjatë një takimi të planifikuar të shtunën në Singapor, raporton Anadolu Agency (AA).

Agjencia shtetërore e lajmeve Xinhua njoftoi të mërkurën se një zyrtar në Pekin ka zbuluar se presidenti i Kinës Xi Jinping dhe i Taivanit Ma Ying-jeou kanë caktuar takim.

 Zyrtari Zhang Zhijun tha se "ata do të shkëmbejnë pikëpamjet në promovimin e zhvillimit paqësor të marrëdhënieve".