STAMBOLL (AA) - Presidenti i Turqisë, Recep Tayyip Erdoğan, tha se po bëjnë përpjekje intensive për të parandaluar përkeqësimin e konfliktit Izrael-Iran, raporton Anadolu.

Vërejtjet e Presidentit Erdoğan erdhën gjatë fjalimit të tij në një aktivitet të sindikatës në kryeqytetin Ankara.

"Turqia bën përpjekje intensive për të parandaluar që sulmet e Izraelit dhe mbështetësve të tij kundër Iranit të shndërrohen në 'një katastrofë më të madhe'", tha ai.

"Nuk i aprovojmë kurrë sulmet kundër sovranitetit të Iranit, sigurisë së rajonit, pavarësisht se nga vijnë ato, dhe ne shprehim qartë reagimin tonë", shtoi Erdoğan.