Në rrethin Dilovasi të provincës Kocaeli në Turqi, këpucari Suleyman Avsar e ushtron profesionin e tij për 45 vjet.

Avsar, 76-vjeçar, e mësoi zanatin nga një mik këpucar ndërsa punonte në një fabrikë. Për dhjetë vjet, ai punoi dhe riparoi këpucë në kohën e tij të lirë.

Pasi doli në pension nga fabrika, ai përmirësoi aftësitë e tij në prodhimin dhe riparimin e këpucëve dhe hapi dyqanin e tij rreth 35 vjet më parë.

Duke dashur të vazhdojë profesionin e tij për aq kohë sa ia lejon shëndeti, gjyshi Suleyman ankohet për vështirësinë në gjetjen e praktikantëve për të dhënë mësim.

Suleyman Avsar për Anadolu tha se e do punën e tij.

Duke shpjeguar se deri më tani nuk ka pasur probleme me klientët e tij, Avsar tha: "Unë punoj vetëm. Nuk marr ndihmë nga askush gjatë javës. Fëmijët e mi vijnë dhe punojnë gjatë fundjavëve".

Duke thënë se brezi i ri po i drejtohet profesioneve të ndryshme, Avsar tha: "Nuk kam ndërmend të heq dorë. Për sa kohë që shëndeti im e lejon, do të jem këtu. Ajo që bëjmë është t'u shërbejmë qytetarëve".

Suleyman Avsar shtoi se ka marrë edhe reagime pozitive nga klientët.