Ankara
Njëzet filma të shkurtër dhe dhjetë dokumentarë do të konkurrojnë në edicionin e 11-të të Festivalit të Filmit Boğaziçi, me Agjencinë Anadolu si partner global i komunikimit.
Festivali, i cili do të mbahet nga 8 deri më 16 dhjetor, do të organizohet me mbështetjen e Ministrisë turke të Kulturës dhe Turizmit, së bashku me sponsorizimin kryesor të Turkcell dhe transportuesit kombëtar ajror, Turkish Airlines.
Anadolu do të jetë partneri global i komunikimit i festivalit, ndërsa Turkmedya do të jetë sponsori kryesor mediatik.
Në festival do të konkurrojnë filma të metrazhit të shkurtër dhe dokumentarë nga regjisorë të kombësive të ndryshme.
Ndër filmat me metrazh të shkurtër që konkurrojnë në të gjitha kategoritë, çmimi i madh i filmit të shkurtër Ahmet Ulucay me vlerë 50.000 lira turke (1.732 dollarë) do t’i jepet filmit të përzgjedhur nga vlerësimet e jurisë së filmit të shkurtër.
Dokumentari më i mirë kombëtar do të shpërblehet me 50.000 lira turke dhe filmi më i mirë i secilës kategori do të shpërblehet me 30.000 lira turke (1.039 dollarë).
Një film në Konkursin Kombëtar të Fiksionit të Shkurtër do të shpërblehet me Çmimin e Talentit të Ri të Akademisë Mediatike të Istanbulit me vlerë 20.000 lira turke (693 dollarë).
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
