Regjistrimet e bizneseve në Bashkimin Evropian (BE) u rritën me 0,5 për qind në tremujorin e fundit të vitit 2025 krahasuar me tremujorin e tretë, ndërsa shpalljet e falimentimit u rritën me 2,5 për qind, transmeton Anadolu.

Zyra e statistikave e bllokut evropian Eurostat njoftoi sektori i informacionit dhe komunikimit regjistroi rritjen më të lartë të regjistrimeve të reja të bizneseve, me një kërcim prej 6,4 për qind.

Kjo rritje e ndjeshme u pasua nga sektori i industrisë me 4,9 për qind dhe akomodimi dhe shërbimet ushqimore me 1,3 për qind.

Rënie modeste u regjistrua në tregti me 0,3 për qind, ndërsa ndërtimi dhe transporti ranë me nga 0,1 për qind. Shpalljet e falimentimit u rritën ndjeshëm në sektorin e akomodimit dhe shërbimeve ushqimore, respektivisht me 8,6 për qind.

Edhe sektori i informacionit dhe komunikimit përjetoi një periudhë të vështirë, me falimentimet që u rritën me 7,9 për qind.

Ulja e shpalljeve të falimentimit u regjistrua në sektorin e tregtisë me 3,4 për qind dhe në financë me 0,7 për qind.