Rezervat e Rusisë në Fondin Kombëtar të Mirëqenies tejkaluan 12 trilionë rubla
Ministria ruse e Financave tha se madhësia e fondit u rrit me 1,4 trilion rubla sipas të dhënave më 1 gusht, krahasuar me muajin e kaluar, dhe në përputhje me rrethanat, rezervat totale u rritën në 12,1 trilionë rubla
Moskë
Rezervat e Rusisë në Fondin Kombëtar të Mirëqenies u rritën me 1,4 trilion rubla në korrik në 12,1 trilionë rubla (rreth 200 miliardë dollarë amerikanë), transmeton Anadolu Agency (AA).
Në deklaratën e bërë nga Ministria e Financave e Rusisë, u njoftua se që nga 1 korriku janë regjistruar 10,7 trilionë rubla në Fondin Kombëtar të Mirëqenies.
Në deklaratë thuhet se madhësia e fondit u rrit me 1,4 trilion rubla sipas të dhënave më 1 gusht, krahasuar me muajin e kaluar, dhe në përputhje me rrethanat, rezervat totale u rritën në 12,1 trilionë rubla.
Deklarata thekson se një pjesë e konsiderueshme e fondit është në Bankën Qendrore të Rusisë, dhe një pjesë e tij është në VTB dhe Gazprombank, ndërsa me një fond prej 65 miliardë rublash janë bërë investimet në aksionet e Sberbank dhe Aeroflot.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.