Transportuesi ajror turk Pegasus përfundoi një marrëveshje për blerjen e të gjithë aksioneve të kapitalit në Czech Airlines, Smartwings dhe degët e saj, transmeton Anadolu.

Pegasus arriti një marrëveshje me Prague City Air s.r.o. dhe një Marrëveshje për Caktimin e të Arkëtueshmeve me Unimex Group për blerjen, u njoftua të hënën.

"Shuma totale që duhet të paguhet si pjesë e marrëveshjeve të lartpërmendura, duke përfshirë caktimin për subjektin e të arkëtueshmeve, përcaktohet si 154 milionë euro; që mund t'i nënshtrohet rregullimit përfundimtar sipas kushteve të Marrëveshjes së Blerjes së Aksioneve", tha ajo.

Pegasus tha se përfundimi i transaksionit të lartpërmendur është i kushtëzuar nga marrja e miratimeve të nevojshme administrative në Republikën Çeke dhe vende të tjera ku operon Smartwings Group, dhe kushtet standarde të transferimit të aksioneve.

"Ne presim që përfundimi të ndodhë në vitin 2026 pas marrjes së miratimeve të nevojshme", shtoi ajo.

Pegasus tha gjithashtu në një postim në kompaninë amerikane të mediave sociale X se "Së bashku, do t'u ofrojmë mysafirëve tanë akses në më shumë destinacione me çmime të përballueshme, duke ofruar një përvojë udhëtimi të përsosur, të bazuar në teknologji dhe më të personalizuar".

"Duke bashkuar forcat, do të krijojmë më shumë zgjedhje dhe do të hapim horizonte të reja për gëzimin e udhëtimit", thekson deklarata.