LONDËR (AA) - Irlanda është gati të ndalojë zyrtarisht tregtinë me Territoret e Pushtuara Palestineze (OPT), duke u bërë vendi i parë evropian që e bën këtë, tha sot zëvendëskryeministri i vendit, Simon Harris, transmeton Anadolu.

"Kjo është një masë e rëndësishme, sepse ne po flasim hapur në emër të popullit të Irlandës në lidhje me këtë aktivitet gjenocidal", tha Harris për gazetarët.

Harris tha se shpreson që "përfitimi i vërtetë" i publikimit të këtij legjislacioni do të jetë që ai të frymëzojë vendet e tjera të bëjnë të njëjtën gjë.

"Sepse është e rëndësishme që çdo vend të përdorë çdo mjet në dispozicion të tij", shtoi ai.

Projektligji do të ndalojë tregtinë me territoret e pushtuara palestineze duke e bërë çdo import prej andej vepër penale sipas Aktit Doganor.

Qeveria irlandeze miratoi zyrtarisht një projektligj në maj, duke ndaluar importin e mallrave të prodhuara në vendbanimet izraelite në Bregun Perëndimor dhe Kudsin Lindor.