Inflacioni vjetor i Eurozonës në janar ishte 1,7 për qind
Sektori i shërbimeve shënoi rritjen më të lartë vjetore të çmimeve me 3,2 për qind në janar, nga 3,4 për qind në dhjetor, treguan të dhënat e Eurostat
Stamboll
Norma vjetore e inflacionit të Eurozonës ishte 1,7 për qind në janar, në përputhje me pritjet, nga 2 për qind në dhjetor 2025, njoftoi Eurostat të mërkurën, transmeton Anadolu.
Sektori i shërbimeve shënoi rritjen më të lartë vjetore të çmimeve me 3,2 për qind në janar, nga 3,4 për qind në dhjetor, treguan të dhënat e Eurostat.
Ai u pasua nga ushqimi, alkooli dhe duhani me 2,7 për qind, nga 2,5 për qind, dhe mallrat industriale jo-energjetike me 0,4 për qind, nga 0,3 për qind gjatë së njëjtës periudhë.
Çmimet e energjisë në Eurozonë ranë me 4,1 për qind në janar në bazë vjetore, pasi ranë me 1,9 për qind në dhjetor 2025.
Midis vendeve të Eurozonës, Sllovakia pa normën më të lartë vjetore të inflacionit me 4,2 për qind në janar, e ndjekur nga Kroacia me 3,6 për qind dhe Irlanda me 2,6 për qind.
Normat më të ulëta u panë në Francë me 0,4 për qind, Itali dhe Finlandë me të dyja nga 1 për qind.
Në bazë mujore, çmimet e konsumit u ulën me 0,5 për qind në Eurozonë në janar.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
