Energji 24/7 me sistemin e ri të monitorimit mobil të Turqisë

Turqia tani do të jetë në gjendje të kontrollojë në distancë rrjetin e saj elektrik në rast të katastrofave të mëdha, përfshirë sulme terroriste dhe tërmete, me një sistem të ri të Kontrollit Mbikëqyrës dhe Mbledhjes së të Dhënave (SCADA) të lëvizshme të zhvilluar nga kompania turke e energjisë 'Enerjisa'.

Murat Pinar, menaxher i lartë i 'Enerjisa Energy', për Anadolu Agency (AA) tha se sistemi synon eliminimin e errësirës teknologjike në kohë fatkeqësish.

"Ne kemi parë edhe një herë se sa jetik është furnizimi i qëndrueshëm i energjisë për sistemet kritike infrastrukturore si shëndetësia, telekomunikacioni, transporti dhe siguria gjatë periudhave katastrofike", tha ai.

Softueri i automatizimit Qendra e Komandës dhe Kontrollit të Emergjencave Mobile SCADA do të fillojë menjëherë dhe do të zëvendësojë qendrat e integruara SCADA, për të siguruar më shumë se 21 milionë konsumatorë të 'Enerjisa' me energji të pandërprerë.

Sistemi i ri i krijuar nga Kompania e Shpërndarjes 'Enerjisa' u zhvillua për të parandaluar ndërprerjet e energjisë gjatë fatkeqësive natyrore të tilla si tërmete, përmbytje, stuhi dhe katastrofa si epidemi, sulme kimike, bërthamore ose terroriste, gjatë të cilave mund të bllokohet hyrja në sistemet e integruara SCADA.

Sistemi po jep një shembull për ofruesit e tjerë të shërbimeve strategjike të infrastrukturës, pasi sistemi i inkorporuar në një autobus mund të hyjë dhe kontrollojë një ose të gjitha rrjetet e energjisë elektrike të shpërndarësve të energjisë elektrike në Turqi, përfshirë 'Enerjisa', Başkent EDAS, AYEDAS dhe Toroslar EDAS.

Autobusi ka dhoma kontrolli dhe operatori të pajisura me panele kontrolli prekëse, kamera sigurie, si dhe panele të energjisë diellore dhe një gjenerator për të gjeneruar energjinë e kërkuar nga sistemi.

Gjithashtu ka kondicionerë që ftohin pajisjet e integruara dhe sigurojnë ventilim të sigurt përveç tualetit, hapësirës për pushim dhe kuzhinës ku mund të qëndrosh për një kohë të gjatë.

'Siguria kritike e infrastrukturës dhe energjia e pandërprerë'

Pinar tha se të jesh në gjendje të komandosh dhe kontrollosh shpërndarjen e energjisë elektrike në distancë, pavarësisht nga vendndodhja "është revolucionare për sistemet e infrastrukturës dhe është dëshmi e studimeve intensive për hulumtim dhe zhvillimi që u realizuan për të ofruar sigurinë e infrastrukturës kritike".

Duke theksuar evolucionin dhe diversifikimin e rreziqeve për sigurinë e energjisë, Pinar tha se është e vështirë të parashikosh katastrofa, por pohoi se "ne duhet të dimë se çfarë të bëjmë kur të vijë".

'Enerjisa' shpërndan energji elektrike në tre rajone të ndryshme në Turqi, përfshirë pjesën aziatike të Stambollit, Ankara, Bartin, Cankiri, Karabuk, Kastamonu, Kirikkale, Zonguldak, Adana, Osmaniye, Gaziantep, Mersin, Kilis dhe Hatay.