Bashkimi Evropian ka hequr Jordaninë dhe Namibinë nga lista e vendeve që mund të përjashtohen nga kufizimet e udhëtimit të vendosura për shkak të COVID-19, transmeton Anadolu Agency (AA).

Sipas deklaratës së Këshillit Evropian, lista e vendeve që aplikohen për udhëtime jo thelbësore drejt vendeve të BE-së dhe ku rekomandohet heqja graduale e kufizimeve është përditësuar.

Me përditësimin e fundit, vendet e BE-së do të jetë në gjendje të heqin kufizimet e udhëtimit në Argjentinë, Australi, Bahrein, Kanada, Kili, Kolumbi, Indonezi, Kuvajt, Zelandën e Re, Peru, Katar, Ruanda, Arabinë Saudite, Korenë e Jugut, Emiratet e Bashkuara Arabe, Uruguaj dhe Tajvan.

Nëse vendet e BE-së lejojnë qytetarët e tyre të udhëtojnë, kufijtë me Kinën gjithashtu mund të mbahen të hapur.

Teksa asnjë shtet i ri nuk u shtua në listë me përditësimin, Jordania dhe Namibia u hoqën nga lista.

Lista e BE-së është këshilluese për shtetet anëtare dhe nuk është detyruese dhe lista përditësohet çdo dy javë.

Teksa udhëtimet turistike në BE nga vendet në listë mund të lejohen, disa masa shtesë si testimi dhe karantina mund të zbatohen për pasagjerët.

Vazhdojnë kufizimet e udhëtimit të vendeve të BE-së drejt vendeve që nuk përfshihen në listë.

Në mars 2020, BE-ja vendosi të aplikojë kufizime për udhëtimet jo thelbësore për të parandaluar përhapjen e pandemisë.