Presidenti i Kinës, Xi Jinping do të presë udhëheqësin e Koresë së Veriut, Kim Jong Un në Pekin për një samit dypalësh, transmeton Anadolu.

"Xi dhe Kim do të zhvillojnë bisedime për të shkëmbyer pikëpamje të thella mbi marrëdhëniet Kinë-Kore e Veriut dhe çështjet me interes të përbashkët", tha për gazetarët zëdhënësi i Ministrisë së Jashtme të Kinës, Guo Jiakun.

Kjo do të shënonte samitin e tyre të gjashtë dypalësh që nga viti 2018.​​​​​​​ Guo nuk dha një kohë ose datë për samitin.

"Kina është e gatshme të punojë me Korenë e Veriut për të forcuar komunikimin strategjik, për të rritur shkëmbimet dhe bashkëpunimin, për të thelluar ndarjen e përvojave të qeverisjes dhe për të çuar përpara zhvillimin e kauzave të tyre përkatëse socialiste dhe marrëdhëniet tradicionale miqësore të bashkëpunimit midis Kinës dhe Koresë së Veriut", tha zëdhënësi kinez.

Kim është në Pekin, udhëtimi i tij i pestë në Kinë ku mori pjesë në paradën e Ditës së Fitores së Kinës të mërkurën së bashku me Xi, presidentin rus Vladimir Putin dhe 26 udhëheqës të huaj.

Kim, 41-vjeç, udhëtoi për në Pekin duke përdorur trenin e tij të blinduar special, i shoqëruar nga ministri i Jashtëm, Choe Son Hui, së bashku me zyrtarë të tjerë të lartë.

Xi dhe Kim mbajtën pesë samitet e tyre të para në vetëm dy vjet, 2018 dhe 2019. Vitet e mëvonshme ndërprenë udhëtimet ndërkufitare për shkak të COVID-19.

Kina ështëpartnere thelbësore ekonomike e Koresë së Veriut, ekonomia e së cilës pa zgjerimin e saj më të madh në tetë vjet në vitin 2024.