Të paktën 65 palestinezë u vranë, përfshirë fëmijë dhe gra dhe shumë të tjerë u plagosën në sulmet që ushtria izraelite kreu në Rripin e Gazës gjatë natës, transmeton Anadolu.

Siç raporton agjencia zyrtare palestineze e lajmeve WAFA, Izraeli shënjestroi shtëpitë e palestinezëve në jug dhe veri të Rripit të Gazës gjatë natës.

Sipas informacioneve të marra nga burimet shëndetësore, ushtria izraelite shënjestroi shtëpitë e civilëve në zona të ndryshme dhe kampet e refugjatëve në të cilët qëndrojnë të zhvendosurit.

Në këto sulme u vranë 65 persona shumica e të cilëve gra dhe fëmijë.

Teksa ekipet e mbrojtjes civile me mundësi shumë të kufizuara përpiqen të arrijë tek personat e mbetur nën rrënoja, theksohet se trupat e të vrarëve dhe të plagosurve u dërguan në Spitalin Al-Awda dhe në Spitalin e Indonezisë.

Theksohet se disa nga viktimat ende janë nën rrënoja.

Burime shëndetësore kanë bërë të ditur se shumica e atyre që humbën jetën janë nga familjet An-Najjar, Suwaylim dhe Kattani ndërsa morgjet e spitaleve janë plot me kufoma.