Zv/presidentja venezuelase, Delcy Rodriguez, ka deklaruar se Venezuela “nuk është në dijeni” të vendndodhjes së presidentit Nicolas Maduro, transmeton Anadolu.

“Ne nuk jemi në dijeni të vendndodhjes së presidentit Maduro”, tha Rodriguez në një audio të transmetuar në televizionin shtetëror.

Komentet e saj erdhën pasi Trump tha se SHBA-ja “me sukses kreu një sulm në shkallë të gjerë” kundër Venezuelës, duke pretenduar se Maduro dhe gruaja e tij ishin “kapur dhe larguar me avion nga vendi”.

Rodriguez tha se Venezuela kërkon nga Trump “prova për jetën e presidentit Maduro”.

Ajo theksoi se Venezuela dënon “këtë sulm brutal dhe të përgjakshëm”.

“Mesazhi është shumë i qartë, udhëzimet janë të aktivizohen forcat tona të sigurisë qytetare dhe të dalin në mbrojtje të popullit tonë”, tha ajo.