Të dërguarit amerikanë mbërrijnë në Izrael për të diskutuar zbatimin e marrëveshjes së armëpushimit në Gaza
Steve Witkoff dhe Jared Kushner pritet të diskutojnë zbatimin e marrëveshjes së armëpushimit midis Izraelit dhe Hamasit
Stamboll
I dërguari i posaçëm i SHBA-së për Lindjen e Mesme, Steve Witkoff dhe Jared Kushner, dhëndri i Presidentit Donald Trump, mbërritën në Izrael të hënën për të diskutuar zbatimin e marrëveshjes së armëpushimit në Gaza, sipas transmetuesit publik të Izraelit KAN, transmeton Anadolu.
Witkoff dhe Kushner, i cili shërben si këshilltar joformal në administratën Trump, pritet të diskutojnë zbatimin e marrëveshjes së armëpushimit midis Izraelit dhe Hamasit.
Të dërguarit e SHBA-së do të takohen me kryeministrin izraelit Benjamin Netanyahu dhe zyrtarë të tjerë të lartë izraelitë, sipas "Times of Israel".
Një marrëveshje armëpushimi midis Hamasit dhe Izraelit, përmes ndërmjetësimit rajonal dhe ndërkombëtar dhe e zbatuar më 10 tetor, përcakton një tërheqje të pjesshme izraelite nga disa zona në Gaza në pozicione të reja brenda enklavës, të njohura si "vija e verdhë".
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
