Ushtria izraelite tha të hënën në mbrëmje se trupi i një pengu tjetër u transferua nga Hamasi tek Komiteti Ndërkombëtar i Kryqit të Kuq (ICRC) në Gaza sipas marrëveshjes së armëpushimit, raporton Anadolu.

Në një deklaratë ushtarake theksohet se trupi i një pengu të ndjerë është në rrugën për te trupat izraelite në enklavën palestineze.

Hamasi më parë kishte njoftuar se do të dorëzonte trupin e një pengu izraelit sipas marrëveshjes së armëpushimit.

Faza e parë e armëpushimit hyri në fuqi më 10 tetor sipas planit 20-pikësh të Presidentit të SHBA-së, Donald Trump. Që atëherë, Hamasi ka liruar 20 pengje izraelite të gjallë dhe trupat e 16 të tjerëve. Ndërsa trupat e 12 pengjeve janë ende në enklavë.

Plani i armëpushimit parashikon gjithashtu rindërtimin e Gazës dhe krijimin e një mekanizmi të ri qeverisës pa Hamasin.

Lufta gjenocidale e Izraelit në Gaza ka vrarë mbi 68.500 njerëz dhe ka plagosur më shumë se 170.300 të tjerë që nga tetori 2023, sipas autoriteteve palestineze.