Irani nuk dëshiron që SHBA-ja ta sulmojë vendin, tha sot presidenti Donald Trump, raporton Anadolu.

“Ata nuk duan që ne t’i godasim”, tha Trump gjatë mëngjesit kombëtar të lutjeve, që u mbajt për herë të 74-të.

“Ata janë duke negociuar”, shtoi ai.

Duke folur për grumbullimin e forcave ushtarake amerikane në rajon, Trump tha: “E dini, ne kemi një flotë të madhe që po shkon drejt Iranit”.

Komentet e Trumpit erdhën përpara bisedimeve indirekte mbi programin bërthamor që pritet të mbahen të premten mes Iranit dhe SHBA-së në kryeqytetin e Omanit, Maskat.