Presidenti i SHBA-së, Donald Trump i ka kërkuar presidentit sirian Ahmed al-Sharaa, të marrë përgjegjësinë për qendrat e burgimit të anëtarëve të DEASH-it në verilindje të Sirisë, të cilat janë nën kontrollin e grupit terrorist PKK/YPG, njoftoi në X zëdhënësja e Shtëpisë së Bardhë, Karoline Leavitt, transmeton Anadolu.

Thirrja është bërë gjatë takimit të Trumpit me Al-Sharaan me ftesë të princit të kurorës të Arabisë Saudite, Mohammed bin Salman, si pjesë e një samiti të Gjirit dhe SHBA-së në kryeqytetin saudit Riad.

Presidenti turk, Recep Tayyip Erdogan, gjithashtu iu bashkua takimit në mënyrë onlajn.