Në qytetin Jaffa, policia izraelite ndërhyri në një demonstratë të organizuar nga palestinezët të cilët kundërshtuan planet e zhvendosjes me forcë, transmeton Anadolu Agency (AA).

Sipas informacionit të marrë nga dëshmitarët okularë në rajon, thuhet se kishte tensione midis policisë izraelite dhe palestinezëve gjatë demonstratës së mbajtur në lagjen Jabaliyya në Jaffa, rreth 55 kilometra në perëndim të Kudsit, ku kryesisht jetojnë arabët.

Të dielën, 3 persona u arrestuan nga policia izraelite në një demonstratë të ngjashme të organizuar nga palestinezët që kundërshtuan migrimin e detyruar nga qyteti.

Në të njëjtën ditë, kolonët hebrenj në qytet protestuan pasi u sulmua një rabin hebre në Lagjen Ajami.

Sipas lajmit të gazetës Yedioth Ahronoth mbi zhvillimet, thuhet se rabini hebre Ilyahu Mali u sulmua nga dy të rinj arabë në Lagjen Ajami, ku ai shkoi të atje për të blerë një ndërtesë për strehimin e studentëve në shkollën e tij.

Faqja e internetit "Arab 48", e cila përfshin lajme rreth arabëve në Izrael, pretendoi se kompania shtetërore Amidar po planifikonte që banesën ku jetonte një familje arabe t'ia shiste rabinit hebre.

Nga ana tjetër, Komiteti i Lartë i Monitorimit, i cili merret me situatën e komunitetit arab brenda Izraelit, akuzon policinë izraelite për sulme të përditshme ndaj komunitetit arab në qytetin Jaffa.