Një tërmet me magnitudë 5.9 ballë goditi brigjet e ishullit Capri në Italinë perëndimore gjatë natës, transmeton Anadolu.

Instituti Kombëtar i Gjeofizikës dhe Vullkanologjisë (INGV) deklaroi se tërmeti 5.9 ballë sipas shkallës së Rihterit, ndodhi rreth orës 00:03 sipas kohës lokale në një thellësi prej 414 kilometrash në perëndim të Ishullit Capri.

Në deklaratë thuhet se për shkak të vendndodhjes relativisht të thellë, ndikimi i tërmetit në rajon ishte më pak i rëndë, por u ndje në të gjithë vendin.

Thuhet se kjo dridhje është një ngjarje e rrallë për këtë rajon gjeografik, që ndodh në një thellësi shumë më të madhe se tërmetet tipike të regjistruara në Itali.

Media italiane raportoi se nuk u raportuan viktima ose dëme të konsiderueshme materiale si rezultat i tërmetit.